أهم النصائح لإكتشاف الشغف

ازيكم مبدعاتي الجميلات

أى إنسان بيحب يكون ليه شغف فى الحياة وكتير مبيعرفش هو شغوف بإيه وبيفضل فى حيرة مستمرة لحد ما يقتنع بإنه معندهوش شغف، عشان كدة موضوع مقالتنا عن إكتشاف الشغف:

يعنى إيه شغف ؟! 

شعور بالحماس الشديد أو رغبة لا تُقاوم تجاه شخص أو شئ ما، وهو الدرجة العُليا من حُب عمل شئ مُعين . وذُكرت كلمة “شغف” فى القرآن الكريم حيث قال الله تعالى فى امرأة عزيز مصر حينما انشغفت بسيدنا يوسف عليه السلام “قَدْ شَغَفَهَا حُبّاً”

هل كل شخص مِنّا لديه موهبة ؟

الإجابة هى نعم، كل شخص عنده موهبة واحدة على الأقل وممكن يكون عنده أكثر من موهبة  لكن مُعظم مواهبنا غير مُكتشفة .

ما هى مراحل إكتشاف الشغف ؟

  1. الإستكشاف : لازم تعرفى إيه هى الحاجة اللى بتستمتعى بيها ومستعدّة تشتغليها حتى لو من غير فلوس.
  2. التجربة : بدون ما تجرّبى فى كذا مجال مش هتقدرى تحددى شغفك، خُدى وقتك كامل فى التجربة .
  3. إسألى نفسك ٣ أسألة مهم تعرفى إجابتهم :
  • مين قدوتك فى الحياة وإيه اللى بيرضيكى فيه ؟
  • لو اتطلب منك تدرسى فى مكان من إختيارك هتختارى إيه؟
  • لو اليوم عيد ميلادك الثمانين عاوزة إيه اللى يتعرض فى فيديو ليكى ؟ .

من أهم علامات إكتشاف الشغف:

 عدم الإحساس بمرور الوقت، فمثلاً “الشخص اللى بيقضى ساعات طويلة فى الرسم بدون ملل ولا شعور بمرور الوقت ده بيبقى شغوف بالرسم” . 

نصائح لإكتشاف الشغف :

  1. إختبار تحديد الشخصية : من خلال جوجل إكتبى فى السيرش إختبار تحديد الشخصية وجاوبى على كل الأسئلة هيظهرلك نوع شخصيتك ولازم تقرأى عنها عشان ده هيساعدك كتير فى مرحلة الإستكشاف .
  2. إخلقى مساحة لشغفك بشكل يومى : مارسى شغفك يومياً حتى لو ساعة واحدة فى اليوم .
  3. إتعاملى مع شغفك كأنه طفلك : وده عامل كبير فى تطور الشغف .
  4. ممارسة القراءة : القراءة فى مجالات مختلفة بتساهم فى تسليط الضوء على جوانب كانت مجهولة عندنا ومن خلالها ممكن تكتشفى شغفك بسهولة.

If you do what you love, you’ll never work a day in your life

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

X