علاقة التخطيط بتحقيق الأهداف

سلام عليكم مبدعاتي لوعندك هدف وعايزة تحققيه ومش عارفة تاخدى خطوة يبقى المقالة دى ليكى وهتجاوبك على أسألة كتير بتدور فى دماغك زى :

  • يعنى إيه تخطيط ؟
  • إيه اللى محتاجاه عشان أخطط  ؟
  • إيه التقنيات المستخدمة فى التخطيط ؟
  • هل فى نموذج معين للتخطيط ؟
  • إيه علاقة التخطيط بتحقيق الأهداف ؟
  • إيه هى أفضل المواقع اللى ممكن تساعدنى فى التخطيط ؟

سر الوصول لهدفك هو التخطيط الجيد، ونصيحة خلى لهدفك Deadline عشان يساعدك على الإلتزام أكتر، إتعودى تخلى ليومك خطة تكتبيها قبل ما تنامى،

الحياة العشوائية بتضيع الوقت والعمر كمان بدون أى فايدة

يعنى إيه تخطيط ؟

التخطيط : هو مفتاح إدارة الوقت وبيساهم فى الحصول على أكبر استفادة من وقتك وإنجاز مهام حياتك من خلال التدوين على الورق .

إيه اللى محتاجاه عشان أخطط ؟ 

  • تحديد الأولويات : شوفى إيه اللى ميستناش وليه الأولوية وخليه فى البداية.
  • تحديد الهدف : بدون هدف مش هينفع تخططى فحددى أهدافك من الأول  .
  • خطة أو استراتيجية تمشى عليها : الهدف بدون خطة مُحكمة مش هتقدرى تحققيه.
  • تقسيم المهام لخطط بسيطة يومية : خطوات صغيرة مُستمرّة تِجاه هدفك هتساعدك على تحقيقه بدون ملل .

إيه التقنيات المستخدمة فى التخطيط ؟

  • العصف الذهنى : وده إتكلمنا عنه .
  • المخططات : ودى الإستراتيجية اللى هتمشى عليها عشان توصلى للهدف .
  • السبب : لازم تعرفى إنتى ليه عايزة تحققى الهدف ده  بالتحديد .
  • النتيجة : توقعى النتيجة اللى عايزة توصليلها فى نهاية المطاف وخليها دايماً فى بالك واشتغلى على هدفك عشان توصليلها هى بالظبط .

هل فى نموذج معين للتخطيط ؟

التخطيط ملهوش نموذج معين تمشى عليه هو عبارة عن خطوات غير ثابته حسب إهتمامات كل شخص

علاقة التخطيط بتحقيق الأهداف ؟

فرق شاسع بين إنك تعرفى إنتى عايزة إيه وتمشيله بخطوات ثابته وواضحة وبين إنك تبقى عشوائية مش عارفة تاخدى خطوة البداية أو تستكملى المسيرة، التخطيط هيسهل عليكى كتير ويوصلك أسرع بس داومى على الإلتزام .

إيه هى أفضل المواقع اللى ممكن تساعدنى فى التخطيط ؟

لو بتفضلى الكتابة على الموبايل بدل من الورق دى أفضل التطبيقات اللى هتساعدك فى التخطيط :

  1. Microsoft to do .
  2. Tick Tick .

أما لو إنتى حابة الورقة والقلم فممكن تستخدمى بلانر أو نوت بوك وهكذا ولكن التخطيط فى البلانر والنوت بوك يطول شرحه وهنتكلم عنّه فى مقالات جاية انتظروها

“كُل ساعة تُقضَى فى التخطيط الجيد توفّر ثلاث أو أربع ساعات فى التنفيذ”

A good plan is like a road map : it shows the final destination and usually the best way to get there”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

X